hawa ke sath ye kaisa moamla hua hai
havā ke saath ye kaisā mo.āmla huā hai
bujhā chukī thī jise vo diyā jalā huā hai
huzūr aap koī faisla kareñ to sahī
haiñ sar jhuke hue darbār bhī lagā huā hai
khaḌe haiñ sāmne kab se magar nahīñ paḌhte
vo ek lafz jo dīvār par likhā huā hai
hai kis kā aks jo dekhā hai ā.īne se alag
ye kaisā naqsh hai jo ruuh par banā huā hai
ye kis kā ḳhvāb hai tābīr ke ta.āqub meñ
ye kaisā ashk hai jo ḳhaak meñ milā huā hai
ye kis kī yaad kī bārish meñ bhīgtā hai badan
ye kaisā phuul sar-e-shāḳh-e-jāñ khilā huā hai
sitāra TūTte dekhā to Dar ga.ī 'rāhat'
ḳhabar na thī yahī taqdīr meñ likhā huā hai
hawa ke sath ye kaisa moamla hua hai
bujha chuki thi jise wo diya jala hua hai
huzur aap koi faisla karen to sahi
hain sar jhuke hue darbar bhi laga hua hai
khaDe hain samne kab se magar nahin paDhte
wo ek lafz jo diwar par likha hua hai
hai kis ka aks jo dekha hai aaine se alag
ye kaisa naqsh hai jo ruh par bana hua hai
ye kis ka KHwab hai tabir ke taaqub mein
ye kaisa ashk hai jo KHak mein mila hua hai
ye kis ki yaad ki barish mein bhigta hai badan
ye kaisa phul sar-e-shaKH-e-jaan khila hua hai
sitara TuTte dekha to Dar gai 'rahat'
KHabar na thi yahi taqdir mein likha hua hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
