hawa ki zad mein patte ki tarah tha

havā kī zad meñ patte kī tarah thā

vo ik zaḳhmī parinde kī tarah thā

kabhī hañgāma-zā thā be-sabab vo

kabhī gūñge tamāshe kī tarah thā

khilaunoñ kī numā.ish thī jahāñ vo

kisī gum-gashta bachche kī tarah thā

sañbhaltā kyā ki sar sar sail meñ vo

ukhaḌte girte ḳheme kī tarah thā

ugaltā bulbule phuul aur sho'le

vo chābī ke khilaune kī tarah thā

the us ke bāl-o-par qaiñchī kī zad meñ

vahī tanhā farishte kī tarah thā

anā-inkār meñ ā.īna TuuTā

jo bār-e-dosh chehre kī tarah thā

hawa ki zad mein patte ki tarah tha

wo ek zaKHmi parinde ki tarah tha

kabhi hangama-za tha be-sabab wo

kabhi gunge tamashe ki tarah tha

khilaunon ki numaish thi jahan wo

kisi gum-gashta bachche ki tarah tha

sanbhalta kya ki sar sar sail mein wo

ukhaDte girte KHeme ki tarah tha

ugalta bulbule phul aur sho'le

wo chabi ke khilaune ki tarah tha

the us ke baal-o-par qainchi ki zad mein

wahi tanha farishte ki tarah tha

ana-inkar mein aaina TuTa

jo bar-e-dosh chehre ki tarah tha