hawa ko tham len KHushbu ka ehtimam karen

havā ko thaam leñ ḳhushbū kā ehtimām kareñ

sañvar liyā ho to ham chāñd se kalām kareñ

ham apne sog bhulā ke unheñ salāmī deñ

chalo ki hijr ke māroñ kā ehtirām kareñ

gulāb-rut meñ kisī chhat pe rañg le ke chaleñ

junūñ meñ bhīgne vāloñ kā intizām kareñ

purāne beliyoñ se milte aa.eñ gaañv meñ

galī meñ baiThe faqīroñ ko bhī salām kareñ

vo shaḳhs dost thā ab vo adū huā to kyā

vo aa rahā hai jo milne to ehtimām kareñ

tumheñ ye chaah ki ab long drive pe nikleñ

hameñ ye fikr ki daftar kā thoḌā kaam kareñ

ham apnī raah se bhaTke hue musāfir haiñ

kinheñ paḌī ki koī shaam apne naam kareñ

bahut baras hue haiñ parvarish kiye dukh kī

chalo ki dard kī shiddat kā ehtimām kareñ

hawa ko tham len KHushbu ka ehtimam karen

sanwar liya ho to hum chand se kalam karen

hum apne sog bhula ke unhen salami den

chalo ki hijr ke maron ka ehtiram karen

gulab-rut mein kisi chhat pe rang le ke chalen

junun mein bhigne walon ka intizam karen

purane beliyon se milte aaen ganw mein

gali mein baiThe faqiron ko bhi salam karen

wo shaKHs dost tha ab wo adu hua to kya

wo aa raha hai jo milne to ehtimam karen

tumhein ye chah ki ab long driwe pe niklen

hamein ye fikr ki daftar ka thoDa kaam karen

hum apni rah se bhaTke hue musafir hain

kinhen paDi ki koi sham apne nam karen

bahut baras hue hain parwarish kiye dukh ki

chalo ki dard ki shiddat ka ehtimam karen