hawa mahak uThi rang-e-chaman badalne laga

havā mahak uThī rañg-e-chaman badalne lagā

vo mere sāmne jab pairahan badalne lagā

baham hue haiñ to ab guftugū nahīñ hotī

bayān-e-hāl meñ tarz-e-suḳhan badalne lagā

añdhere meñ bhī mujhe jagmagā gayā hai koī

bas ik nigāh se rañg-e-badan badalne lagā

zarā sī der ko bārish rukī thī shāḳhoñ par

mizāj-e-sosan-o-sarv-o-saman badalne lagā

farāz-e-koh pe bijlī kuchh is tarah chamkī

libās-e-vādī-o-dasht-o-daman badalne lagā

hawa mahak uThi rang-e-chaman badalne laga

wo mere samne jab pairahan badalne laga

baham hue hain to ab guftugu nahin hoti

bayan-e-haal mein tarz-e-suKHan badalne laga

andhere mein bhi mujhe jagmaga gaya hai koi

bas ek nigah se rang-e-badan badalne laga

zara si der ko barish ruki thi shaKHon par

mizaj-e-sosan-o-sarw-o-saman badalne laga

faraaz-e-koh pe bijli kuchh is tarah chamki

libas-e-wadi-o-dasht-o-daman badalne laga