hawa o abr ko aasuda-e-mafhum kar dekhun

havā o abr ko āsūda-e-mafhūm kar dekhūñ

shurūa-e-fasl-e-gul hai un laboñ ko chuum kar dekhūñ

kahāñ kis aa.ine meñ kaun sā chehra damaktā hai

zarā hairat-sarā-e-āb-o-gil meñ ghuum kar dekhūñ

mire siine meñ dil hai yā koī shahzāda-e-ḳhud-sar

kisī din us ko tāj-o-taḳht se mahrūm kar dekhūñ

guzargāheñ jahāñ par ḳhatm hotī haiñ vahāñ kyā hai

koī rah-rav palaT kar aa.e to ma.alūm kar dekhūñ

bahut din dasht-o-dar meñ ḳhaak uḌāte hue 'sarvat'

ab apne sehn meñ apnī fazā meñ jhuum kar dekhūñ

hawa o abr ko aasuda-e-mafhum kar dekhun

shurua-e-fasl-e-gul hai un labon ko chum kar dekhun

kahan kis aaine mein kaun sa chehra damakta hai

zara hairat-sara-e-ab-o-gil mein ghum kar dekhun

mere sine mein dil hai ya koi shahzada-e-KHud-sar

kisi din us ko taj-o-taKHt se mahrum kar dekhun

guzargahen jahan par KHatm hoti hain wahan kya hai

koi rah-raw palaT kar aae to malum kar dekhun

bahut din dasht-o-dar mein KHak uDate hue 'sarwat'

ab apne sehn mein apni faza mein jhum kar dekhun