hawaen chup thin lahakti jihat pe koi na tha

havā.eñ chup thiiñ lahaktī jihat pe koī na thā

patang luuT ke aayā to chhat pe koī na thā

baḌe dinoñ meñ parindoñ se guftugū sīkhī

phir inhisār hamārā luġhat pe koī na thā

paḌī vo dhuup ki shahzādiyāñ Thahar na sakīñ

vahī thiiñ reshmī sāñseñ bunat pe koī na thā

vahī rahī sahī bāteñ vahī rahe sahe ġham

tamām shahr meñ apnī sifat pe koī na thā

rahīn-e-dil koī dukh thā lahū ke saath gayā

mirā udhār kisī saltanat pe koī na thā

sabhī ko ek hī ujlat ki rasm puurī ho

baham the log magar ta.aziyat pe koī na thā

hawaen chup thin lahakti jihat pe koi na tha

patang luT ke aaya to chhat pe koi na tha

baDe dinon mein parindon se guftugu sikhi

phir inhisar hamara lughat pe koi na tha

paDi wo dhup ki shahzadiyan Thahar na sakin

wahi thin reshmi sansen bunat pe koi na tha

wahi rahi sahi baaten wahi rahe sahe gham

tamam shahr mein apni sifat pe koi na tha

rahin-e-dil koi dukh tha lahu ke sath gaya

mera udhaar kisi saltanat pe koi na tha

sabhi ko ek hi ujlat ki rasm puri ho

baham the log magar taziyat pe koi na tha