hawas ka rang chaDha us pe aur utar bhi gaya

havas kā rañg chaḌhā us pe aur utar bhī gayā

vo ḳhud hī jam.a huā aur ḳhud bikhar bhī gayā

thī zindagī mirī rāhoñ ke pech-o-ḳham kī asiir

magar maiñ raat ke hamrāh apne ghar bhī gayā

maiñ dushmanoñ meñ bhī ghir kar niDar rahā lekin

ḳhud apne jazba-e-haivāniyat se Dar bhī gayā

mire lahū kī talab ne mujhe tabāh kiyā

havas meñ sañg kī hāthoñ se mere sar bhī gayā

hai lafz-o-ma.anī kā rishta zavāl-āmāda

ḳhayāl paidā huā bhī na thā ki mar bhī gayā

sila ye manzil-e-maqsūd kā milā 'shādāb'

safar tamām huā aur ham-safar bhī gayā

hawas ka rang chaDha us pe aur utar bhi gaya

wo KHud hi jama hua aur KHud bikhar bhi gaya

thi zindagi meri rahon ke pech-o-KHam ki asir

magar main raat ke hamrah apne ghar bhi gaya

main dushmanon mein bhi ghir kar niDar raha lekin

KHud apne jazba-e-haiwaniyat se Dar bhi gaya

mere lahu ki talab ne mujhe tabah kiya

hawas mein sang ki hathon se mere sar bhi gaya

hai lafz-o-mani ka rishta zawal-amada

KHayal paida hua bhi na tha ki mar bhi gaya

sila ye manzil-e-maqsud ka mila 'shadab'

safar tamam hua aur ham-safar bhi gaya