hawas ka rang ziyaada nahin tamanna mein

havas kā rañg ziyāda nahīñ tamannā meñ

abhī ye mauj hai begānagī ke sahrā meñ

samundaroñ meñ sitāroñ kī aag phailī hai

mahak rahā hai lahū lazzat-e-nazāra meñ

havā ne abr-e-bahārāñ se bevafā.ī kī

ḳhabar karo kisī ārām-gāh-e-tanhā meñ

diloñ ke band darīchoñ se jhāñk kar dekho

kisī fasād kī parchhā.iyāñ haiñ duniyā meñ

fareb thā jo mujhe zo.am-e-be-karānī thā

udaas haiñ mire sāhil firāq-e-dariyā meñ

mujhe to ek tirā husn hī bahut hai magar

tire liye bhī bahut kuchh hai ḳhvāb-e-fardā meñ

hawas ka rang ziyaada nahin tamanna mein

abhi ye mauj hai beganagi ke sahra mein

samundaron mein sitaron ki aag phaili hai

mahak raha hai lahu lazzat-e-nazara mein

hawa ne abr-e-bahaaran se bewafai ki

KHabar karo kisi aaram-gah-e-tanha mein

dilon ke band darichon se jhank kar dekho

kisi fasad ki parchhaiyan hain duniya mein

fareb tha jo mujhe zoam-e-be-karani tha

udas hain mere sahil firaq-e-dariya mein

mujhe to ek tera husn hi bahut hai magar

tere liye bhi bahut kuchh hai KHwab-e-farda mein