hawas ki hukm-rani ho rahi hai

havas kī hukm-rānī ho rahī hai

mohabbat paanī paanī ho rahī hai

basar yuuñ zindagānī ho rahī hai

ki jaise lan-tarānī ho rahī hai

suḳhanvar ho zabāñ apnī sañbhālo

suḳhan meñ bad-zabānī ho rahī hai

parāyā hai vo ab merā nahīñ hai

kisī ko ḳhush-gumānī ho rahī hai

bulā kar mujh ko mahfil se nikālā

ye kaisī mezbānī ho rahī hai

basā rakkhī hai dil meñ ek duniyā

pashemāñ zindagānī ho rahī hai

ye kis kā zikr aayā hai ġhazal meñ

ye kaisī gul-fishānī ho rahī hai

hisāb-e-zindagī denā paḌegā

raqam har ik kahānī ho rahī hai

jafā us kī corona kī tarah se

balā-e-nā-gahānī ho rahī hai

kahāñ aatī hai mujh ko she'r-goī

ḳhudā kī mehrbānī ho rahī hai

kisī tūfān kā hai pesh-ḳhema

ḳhamoshī zū-ma.ānī ho rahī hai

koī rangīn lamha zehn meñ hai

jo sūrat zāfrānī ho rahī hai

karishma hai ye sab us kī nazar kā

javānī jāvedānī ho rahī hai

mubarrā is se ab koī nahīñ hai

anā bhī ḳhāndānī ho rahī hai

hawas ki hukm-rani ho rahi hai

mohabbat pani pani ho rahi hai

basar yun zindagani ho rahi hai

ki jaise lan-tarani ho rahi hai

suKHanwar ho zaban apni sanbhaalo

suKHan mein bad-zabani ho rahi hai

paraya hai wo ab mera nahin hai

kisi ko KHush-gumani ho rahi hai

bula kar mujh ko mahfil se nikala

ye kaisi mezbani ho rahi hai

basa rakkhi hai dil mein ek duniya

pasheman zindagani ho rahi hai

ye kis ka zikr aaya hai ghazal mein

ye kaisi gul-fishani ho rahi hai

hisab-e-zindagi dena paDega

raqam har ek kahani ho rahi hai

jafa us ki corona ki tarah se

bala-e-na-gahani ho rahi hai

kahan aati hai mujh ko she'r-goi

KHuda ki mehrbani ho rahi hai

kisi tufan ka hai pesh-KHema

KHamoshi zu-maani ho rahi hai

koi rangin lamha zehn mein hai

jo surat zafrani ho rahi hai

karishma hai ye sab us ki nazar ka

jawani jawedani ho rahi hai

mubarra is se ab koi nahin hai

ana bhi KHandani ho rahi hai