tu meri ibtida tu meri intiha main samundar hun tu sahilon ki hawa
tu meri ibtida tu meri intiha main samundar hun tu sahilon ki hawa
Farhan Salim
MORE BYFarhan Salim
tū mirī ibtidā tū mirī intihā maiñ samundar huuñ tū sāhiloñ kī havā
terī manzil bane merā har rāstā maiñ samundar huuñ tū sāhiloñ kī havā
roz-o-shab mauj-dar-mauj huuñ dar-ba-dar roz-o-shab sāhiloñ par paTaktā huuñ sar
haath aatā nahīñ phir bhī dāman tirā maiñ samundar huuñ tū sāhiloñ kī havā
merī shorīdgī ke ye tūfān sab merī ḳhāmoshiyoñ ke ye armān sab
kuchh nahīñ ik tirī aarzū ke sivā maiñ samundar huuñ tū sāhiloñ kī havā
tū hī manzil mirī tū hī had hai mirī tujh se vābastagī nām-zad hai mirī
tū na ho gar to maiñ ḳhud meñ kho jā.ūñgā maiñ samundar huuñ tū sāhiloñ kī havā
ḳhushbuoñ se tirī ye mahaktā safar yuuñ hī jaarī rahegā mire auj par
tū masāfat mirī maiñ tirā rāstā maiñ samundar huuñ tū sāhiloñ kī havā
tu meri ibtida tu meri intiha main samundar hun tu sahilon ki hawa
teri manzil bane mera har rasta main samundar hun tu sahilon ki hawa
roz-o-shab mauj-dar-mauj hun dar-ba-dar roz-o-shab sahilon par paTakta hun sar
hath aata nahin phir bhi daman tera main samundar hun tu sahilon ki hawa
meri shoridgi ke ye tufan sab meri KHamoshiyon ke ye arman sab
kuchh nahin ek teri aarzu ke siwa main samundar hun tu sahilon ki hawa
tu hi manzil meri tu hi had hai meri tujh se wabastagi nam-zad hai meri
tu na ho gar to main KHud mein kho jaunga main samundar hun tu sahilon ki hawa
KHushbuon se teri ye mahakta safar yun hi jari rahega mere auj par
tu masafat meri main tera rasta main samundar hun tu sahilon ki hawa
Tagged Under
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
