hayat ras na aae ajal bahana kare

hayāt raas na aa.e ajal bahāna kare

tire baġhair bhī jiinā paḌe ḳhudā na kare

maiñ roz martā huuñ is intizār ke sadqe

burā na maan agar zindagī vafā na kare

ham ek ho ga.e do din meñ kis tarah allāh

yahī duā hai koī tīsrā judā na kare

manāyā jashn-e-shab-e-ġham ki ek din to kaTā

jo tujh se chhūT ke jiitā rahe vo kyā na kare

maiñ apnī raushnī-e-tab.a se laraztā huuñ

mirā junūñ mujhe manzil se āshnā na kare

maiñ kyā batā.ūñ ki qurbat kā fāsla kyā hai

ki jaise ghar to banā.e koī rahā na kare

hayat ras na aae ajal bahana kare

tere baghair bhi jina paDe KHuda na kare

main roz marta hun is intizar ke sadqe

bura na man agar zindagi wafa na kare

hum ek ho gae do din mein kis tarah allah

yahi dua hai koi tisra juda na kare

manaya jashn-e-shab-e-gham ki ek din to kaTa

jo tujh se chhuT ke jita rahe wo kya na kare

main apni raushni-e-taba se larazta hun

mera junun mujhe manzil se aashna na kare

main kya bataun ki qurbat ka fasla kya hai

ki jaise ghar to banae koi raha na kare