hazar-haif mohabbat mein kuchh maza na mila

hazār-haif mohabbat meñ kuchh mazā na milā

ki dard-e-dil to milā dard-āshnā na milā

jo mere haal ko bilkul mirī tarah samjhe

tamām umr huī ek āshnā na milā

lagā.ī aas bahut tujh se tere sar kī qasam

ḳhamosh ho rahe jab koī aasrā na milā

tū hī batā ki kidhar jaa.eñ tere dīvāne

haram meñ dair meñ terā kahīñ patā na milā

haram kī ḳhaak bhī ham ne bahut uḌā dekhī

ḳhudā to ḳhair koī mard bā-ḳhudā na milā

ye kyā ki us ko jo paayā to phir hamīñ na rahe

milā jo yuuñ to barābar hai vo milā na milā

havas-pasand tabī.at ne kī bahut tadbīr

magar navishta-e-taqdīr se sivā na milā

mujhe jahān meñ jitne bhī bā-kamāl mile

fareb-kār mile koī be-riyā na milā

jo madrasa meñ na thā koī vā.iz-e-rangīñ

to mai-kade meñ koī rind-e-pārsā na milā

ye rang dekh ke duniyā kā rāhbar apnā

banā maiñ aap mujhe koī rahnumā na milā

hazar-haif mohabbat mein kuchh maza na mila

ki dard-e-dil to mila dard-ashna na mila

jo mere haal ko bilkul meri tarah samjhe

tamam umr hui ek aashna na mila

lagai aas bahut tujh se tere sar ki qasam

KHamosh ho rahe jab koi aasra na mila

tu hi bata ki kidhar jaen tere diwane

haram mein dair mein tera kahin pata na mila

haram ki KHak bhi hum ne bahut uDa dekhi

KHuda to KHair koi mard ba-KHuda na mila

ye kya ki us ko jo paya to phir hamin na rahe

mila jo yun to barabar hai wo mila na mila

hawas-pasand tabiat ne ki bahut tadbir

magar nawishta-e-taqdir se siwa na mila

mujhe jahan mein jitne bhi ba-kamal mile

fareb-kar mile koi be-riya na mila

jo madrasa mein na tha koi waiz-e-rangin

to mai-kade mein koi rind-e-parsa na mila

ye rang dekh ke duniya ka rahbar apna

bana main aap mujhe koi rahnuma na mila