hazar KHauf ho lekin zaban ho dil ki rafiq
Interesting Fact
Baal-e-Gibril
hazār ḳhauf ho lekin zabāñ ho dil kī rafīq
yahī rahā hai azal se qalandaroñ kā tarīq
hujūm kyuuñ hai ziyāda sharāb-ḳhāne meñ
faqat ye baat ki pīr-e-muġhāñ hai mard-e-ḳhalīq
ilāj-e-zof-e-yaqīñ in se ho nahīñ saktā
ġharīb agarche haiñ 'rāzī' ke nukta-hā-e-daqīq
murīd-e-sāda to ro ro ke ho gayā taa.ib
ḳhudā kare ki mile shaiḳh ko bhī ye taufīq
usī tilism-e-kuhan meñ asiir hai aadam
baġhal meñ us kī haiñ ab tak butān-e-ahd-e-atīq
mire liye to hai iqrār-e-bil-lisāñ bhī bahut
hazār shukr ki mullā haiñ sāhib-e-tasdīq
agar ho ishq to hai kufr bhī musalmānī
na ho to mard-e-musalmāñ bhī kāfir o zindīq
hazar KHauf ho lekin zaban ho dil ki rafiq
yahi raha hai azal se qalandaron ka tariq
hujum kyun hai ziyaada sharab-KHane mein
faqat ye baat ki pir-e-mughan hai mard-e-KHaliq
ilaj-e-zof-e-yaqin in se ho nahin sakta
gharib agarche hain 'raazi' ke nukta-ha-e-daqiq
murid-e-sada to ro ro ke ho gaya taib
KHuda kare ki mile shaiKH ko bhi ye taufiq
usi tilism-e-kuhan mein asir hai aadam
baghal mein us ki hain ab tak butan-e-ahd-e-atiq
mere liye to hai iqrar-e-bil-lisan bhi bahut
hazar shukr ki mulla hain sahib-e-tasdiq
agar ho ishq to hai kufr bhi musalmani
na ho to mard-e-musalman bhi kafir o zindiq
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
