hazar ranj ho dil lakh dard-mand rahe

hazār ranj ho dil laakh dard-mand rahe

ḳhayāl past na ho hausla buland rahe

ġham-e-firāq meñ dil kyuuñ na dard-mand rahe

bahār aa ke ga.ī ham qafas meñ band rahe

ḳhudā kī yaad meñ duniyā ko bhuul jā ai dil

vo kaam kar ki har ik tarf sūd-mand rahe

mile ki kuchh na mile māñgne se kaam rakhūñ

tirī janāb meñ dast-e-du'ā buland rahe

dikhā.īñ gardish-e-daurāñ ne sūrateñ kyā kyā

magar mujhe to akele tumhīñ pasand rahe

ġhurūr-e-husn unheñ inkisār-e-sheva-e-ishq

vo be-niyāz rahe ham niyāz-mand rahe

janāb-e-shaiḳh bhī 'maḳhmūr' shab ko rindoñ meñ

'ajīb haal se masrūf-e-va.az-o-pand rahe

hazar ranj ho dil lakh dard-mand rahe

KHayal past na ho hausla buland rahe

gham-e-firaq mein dil kyun na dard-mand rahe

bahaar aa ke gai hum qafas mein band rahe

KHuda ki yaad mein duniya ko bhul ja ai dil

wo kaam kar ki har ek tarf sud-mand rahe

mile ki kuchh na mile mangne se kaam rakhun

teri janab mein dast-e-du'a buland rahe

dikhain gardish-e-dauran ne suraten kya kya

magar mujhe to akele tumhin pasand rahe

ghurur-e-husn unhen inkisar-e-shewa-e-ishq

wo be-niyaz rahe hum niyaz-mand rahe

janab-e-shaiKH bhi 'maKHmur' shab ko rindon mein

'ajib haal se masruf-e-waz-o-pand rahe