hazar shukr ki andesha-e-maal gaya

hazār shukr ki andesha-e-ma.āl gayā

koī kisī se jo kahne ko dil kā haal gayā

kahāñ kahāñ nahīñ donoñ ko dastaras hāsil

vahīñ nigāh bhī pahuñchī jahāñ ḳhayāl gayā

javāb meñ na khuleñ lab to kyā ‘ilāj us kā

hañsī hañsī meñ koī merī baat Taal gayā

'ajab thiiñ falsafī-e-nā-murād kī bāteñ

yaqīñ ke saath mire dil meñ shak bhī Daal gayā

qadam qadam pe hue hosh gum 'munavvar' ke

talāsh-e-dost kā saudā gayā ḳhayāl gayā

hazar shukr ki andesha-e-maal gaya

koi kisi se jo kahne ko dil ka haal gaya

kahan kahan nahin donon ko dastaras hasil

wahin nigah bhi pahunchi jahan KHayal gaya

jawab mein na khulen lab to kya ‘ilaj us ka

hansi hansi mein koi meri baat Tal gaya

'ajab thin falsafi-e-na-murad ki baaten

yaqin ke sath mere dil mein shak bhi Dal gaya

qadam qadam pe hue hosh gum 'munawwar' ke

talash-e-dost ka sauda gaya KHayal gaya