hazrat-e-dil jo kisi miss ke hawale hote

hazrat-e-dil jo kisī miss ke havāle hote

jitne gore haiñ muqarrar mire saale hote

ghar se bāhar jo qadam tum ne nikāle hote

jam.a das biis abhī chāhne vaale hote

dasht-e-ulfat meñ jo motor kī savārī hotī

ġhair mumkin thā mire paañv meñ chhāle hote

rishta ulfat kā kisī tarah na qaa.em hotā

maiñ ne Dore na agar aap pe Daale hote

laala sāhib ne shab-e-vasl ye mohrī se kahā

tū na aatī to mirī jaan ke laale hote

qais tū tesha-zanī kartā jo misl-e-farhād

paañv kī tarah tire haath meñ chhāle hote

dastaras hotā hamārā jo sin-e-kamsin par

paañv bāhar na kalīsā ke nikāle hote

shaiḳh us rang se badmast hue pī ke sharāb

gir hī paḌte jo unheñ ham na sañbhāle hote

hazrat-e-dil jo kisi miss ke hawale hote

jitne gore hain muqarrar mere sale hote

ghar se bahar jo qadam tum ne nikale hote

jama das bis abhi chahne wale hote

dasht-e-ulfat mein jo motor ki sawari hoti

ghair mumkin tha mere panw mein chhaale hote

rishta ulfat ka kisi tarah na qaem hota

main ne Dore na agar aap pe Dale hote

lala sahib ne shab-e-wasl ye mohri se kaha

tu na aati to meri jaan ke lale hote

qais tu tesha-zani karta jo misl-e-farhad

panw ki tarah tere hath mein chhaale hote

dastaras hota hamara jo sin-e-kamsin par

panw bahar na kalisa ke nikale hote

shaiKH us rang se badmast hue pi ke sharab

gir hi paDte jo unhen hum na sanbhaale hote