hiddat-o-habs pe tanqid nahin kar sakte

hiddat-o-habs pe tanqīd nahīñ kar sakte

kyoñ ham aisā mire ḳhurshīd nahīñ kar sakte

karnī paḌ jaa.e vazāhat pe vazāhat lekin

ham tirī baat kī tardīd nahīñ kar sakte

jab tirā sāmnā hotā hai to ai sehr-jamāl

'arz kar sakte haiñ tākīd nahīñ kar sakte

misl-e-aurāq-e-pareshāñ hai kitāb-e-hastī

nusḳha-e-dard kī tasvīd nahīñ kar sakte

jo mohabbat kī haqīqat se kareñ sarf-e-nazar

vo kabhī 'ahd kī tajdīd nahīñ kar sakte

zahr piinā to baḌī duur kā qissa hai 'munīr'

log sachchā.ī kī tā.īd nahīñ kar sakte

hiddat-o-habs pe tanqid nahin kar sakte

kyon hum aisa mere KHurshid nahin kar sakte

karni paD jae wazahat pe wazahat lekin

hum teri baat ki tardid nahin kar sakte

jab tera samna hota hai to ai sehr-jamal

'arz kar sakte hain takid nahin kar sakte

misl-e-auraq-e-pareshan hai kitab-e-hasti

nusKHa-e-dard ki taswid nahin kar sakte

jo mohabbat ki haqiqat se karen sarf-e-nazar

wo kabhi 'ahd ki tajdid nahin kar sakte

zahr pina to baDi dur ka qissa hai 'munir'

log sachchai ki taid nahin kar sakte