aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hijab dur tumhaara shabab kar dega

Bekhud Dehlvi

hijab dur tumhaara shabab kar dega

Bekhud Dehlvi

MORE BYBekhud Dehlvi

    hijāb duur tumhārā shabāb kar degā

    ye vo nasha hai tumheñ be-hijāb kar degā

    mirā ḳhayāl mujhe kāmyāb kar degā

    ḳhudā isī ko zuleḳhā ḳhvāb kar degā

    mirī duā ko ḳhudā mustajāb kar degā

    tirā ġhurūr mujhe kāmyāb kar degā

    ye daaġh khaa.e haiñ jis ke firāq meñ ham ne

    vo ik nazar meñ unheñ āftāb kar degā

    kiyā hai jis ke laḌakpan ne dil mirā TukḌe

    kaleja ḳhuun ab us shabāb kar degā

    sunī nahīñ ye masal ghar bhedī lanka Dhaa.e

    tujhe to dil ḳhabar iztirāb kar degā

    na dekhnā kabhī ā.īna bhuul kar dekho

    tumhāre husn paidā javāb kar degā

    kisī ke hijr meñ is dard se duā māñgī

    nidā.eñ aa.iiñ ḳhudā kāmyāb kar degā

    ġham-e-firāq meñ girye ko shaġhl samjhā thā

    ḳhabar na thī mirī miTTī ḳharāb kar degā

    kise ḳhabar thī tire zulm ke liye allāh

    mujhī ko roz-e-azal intiḳhāb kar degā

    uThā na hashr ke fitna ko chaal se nādāñ

    tire shahīd be-lutf ḳhvāb kar degā

    vo gāliyāñ hameñ deñ aur ham duā.eñ deñ

    ḳhajil unheñ ye hamārā javāb kar degā

    javāb-e-sāf na de mujh ko ye vo aafat hai

    mire sukūn ko bhī iztirāb kar degā

    kahīñ chhupā.e se chhuptā hai laal gudḌī meñ

    faroġh-e-husn tujhe be-naqāb kar degā

    tirī nigāh se baḌh kar hai charḳh gardish

    mujhe tabāh ye ḳhāna-ḳharāb kar degā

    Dubo.egī mujhe ye chashm-e-tar mohabbat meñ

    ḳharāb kaam mirā iztirāb kar degā

    raqīb naam na le ishq jatā denā

    ye shola vo hai jalā kar kabāb kar degā

    vafā to ḳhaak karegā mirā udū tum se

    vafā ke naam miTTī ḳharāb kar degā

    ajiib shaḳhs hai pīr-e-muġhāñ se mil zāhid

    nashe meñ chuur tujhe be-sharāb kar degā

    baḌoñ baat baḌī hai hameñ nahīñ bāvar

    jo āsmāñ se na hogā habāb kar degā

    bhalā.ī apnī hai sab bhalā.ī meñ 'beḳhud'

    kabhī hameñ bhī ḳhudā kāmyāb kar degā

    hijab dur tumhaara shabab kar dega

    ye wo nasha hai tumhein be-hijab kar dega

    mera KHayal mujhe kaamyab kar dega

    KHuda isi ko zuleKHa ka KHwab kar dega

    meri dua ko KHuda mustajab kar dega

    tera ghurur mujhe kaamyab kar dega

    ye dagh khae hain jis ke firaq mein hum ne

    wo ek nazar mein unhen aaftab kar dega

    kiya hai jis ke laDakpan ne dil mera TukDe

    kaleja KHun ab us ka shabab kar dega

    suni nahin ye masal ghar ka bhedi lanka Dhae

    tujhe to dil ki KHabar iztirab kar dega

    na dekhna kabhi aaina bhul kar dekho

    tumhaare husn ka paida jawab kar dega

    kisi ke hijr mein is dard se dua mangi

    nidaen aain KHuda kaamyab kar dega

    gham-e-firaq mein girye ko shaghl samjha tha

    KHabar na thi meri miTTi KHarab kar dega

    kise KHabar thi tere zulm ke liye allah

    mujhi ko roz-e-azal intiKHab kar dega

    uTha na hashr ke fitna ko chaal se nadan

    tere shahid ka be-lutf KHwab kar dega

    wo galiyan hamein den aur hum duaen den

    KHajil unhen ye hamara jawab kar dega

    jawab-e-saf na de mujh ko ye wo aafat hai

    mere sukun ko bhi iztirab kar dega

    kahin chhupae se chhupta hai lal gudDi mein

    farogh-e-husn tujhe be-naqab kar dega

    teri nigah se baDh kar hai charKH ki gardish

    mujhe tabah ye KHana-KHarab kar dega

    Duboegi mujhe ye chashm-e-tar mohabbat mein

    KHarab kaam mera iztirab kar dega

    raqib nam na le ishq ka jata dena

    ye shola wo hai jala kar kabab kar dega

    wafa to KHak karega mera udu tum se

    wafa ke nam ki miTTi KHarab kar dega

    ajib shaKHs hai pir-e-mughan se mil zahid

    nashe mein chur tujhe be-sharab kar dega

    baDon ki baat baDi hai hamein nahin bawar

    jo aasman se na hoga habab kar dega

    bhalai apni hai sab ki bhalai mein 'beKHud'

    kabhi hamein bhi KHuda kaamyab kar dega

    RECITATIONS

    Nomaan Shauque

    Nomaan Shauque,

    Nomaan Shauque

    hijab dur tumhaara shabab kar dega Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now