hijr ek husn hai is husn mein rahna achchha

hijr ik husn hai is husn meñ rahnā achchhā

chashm-e-be-ḳhvāb ko ḳhūñ-nāb kā gahnā achchhā

koī tashbīh kā ḳhurshīd na talmīh kā chāñd

sar-e-qirtās lagā harf-e-barhana achchhā

paar utarne meñ bhī ik sūrat-e-ġharqābī hai

kashti-e-ḳhvāb rah-e-mauj pe bahnā achchhā

yuuñ nasheman nahīñ har roz uThā.e jaate

usī gulshan meñ usī Daal pe rahnā achchhā

be-dilī shart-e-vafā Thahrī hai me.aar to dekh

maiñ burā aur mirā rañj na sahnā achchhā

dhuup us husn kī yak-lahza mayassar to huī

phir na tā-umr lagā saa.e meñ rahnā achchhā

dil jahāñ baat kare dil hī jahāñ baat sune

kār-e-dushvār hai us tarz meñ kahnā achchhā

hijr ek husn hai is husn mein rahna achchha

chashm-e-be-KHwab ko KHun-nab ka gahna achchha

koi tashbih ka KHurshid na talmih ka chand

sar-e-qirtas laga harf-e-barhana achchha

par utarne mein bhi ek surat-e-gharqabi hai

kashti-e-KHwab rah-e-mauj pe bahna achchha

yun nasheman nahin har roz uThae jate

usi gulshan mein usi Dal pe rahna achchha

be-dili shart-e-wafa Thahri hai mear to dekh

main bura aur mera ranj na sahna achchha

dhup us husn ki yak-lahza mayassar to hui

phir na ta-umr laga sae mein rahna achchha

dil jahan baat kare dil hi jahan baat sune

kar-e-dushwar hai us tarz mein kahna achchha