hijr mein guzri hai us raat ki baaten na karo
hijr meñ guzrī hai us raat kī bāteñ na karo
aap tajdīd-e-mulāqāt kī bāteñ na karo
dil ne har daur meñ duniyā se baġhāvat kī hai
dil se tum rasm-o-rivāyāt kī bāteñ na karo
himmateñ qāfile vāloñ kī na hoñ past kahīñ
rahrav-e-gardish-e-hālāt kī bāteñ na karo
chāhiye josh-e-talab mere shikasta-dil ko
aise hālāt meñ sadmāt kī bāteñ na karo
zindagī aur bhī tashrīh-talab hai yaaro
ġham ke tapte hue lamhāt kī bāteñ na karo
kitne hī zaḳhm hare haiñ mire siine meñ 'niyāz'
aap ab mujh se ināyāt kī bāteñ na karo
hijr mein guzri hai us raat ki baaten na karo
aap tajdid-e-mulaqat ki baaten na karo
dil ne har daur mein duniya se baghawat ki hai
dil se tum rasm-o-riwayat ki baaten na karo
himmaten qafile walon ki na hon past kahin
rahraw-e-gardish-e-haalat ki baaten na karo
chahiye josh-e-talab mere shikasta-dil ko
aise haalat mein sadmat ki baaten na karo
zindagi aur bhi tashrih-talab hai yaro
gham ke tapte hue lamhat ki baaten na karo
kitne hi zaKHm hare hain mere sine mein 'niyaz'
aap ab mujh se inayat ki baaten na karo
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
