himmat-e-ali ka itna to ziyan hona hi tha

himmat-e-ālī kā itnā to ziyāñ honā hī thā

jurm-e-gīhāñ-tāb ko be-ḳhānumāñ honā hī thā

ye to ai mātam-kanān-e-kushtagāñ honā hī thā

un muhim-jūyāñ ko ik din jāvedāñ honā hī thā

mar ke bhī yādoñ meñ jiinā chāhtā hai aadmī

aadmī kī zindagī ko imtihāñ honā hī thā

qismat qāmūsiyāñ har ahd meñ sar-gashtagī

tab to ummī.īn ko āḳhir zabāñ honā hī thā

shāhid-e-mahmil hai itnī qurbateñ ye dūriyāñ

haa.e vo jis kā muqaddar sārbāñ honā hī thā

sauñp kar miTTī ko miTTī lī havā ne apnī raah

mashġhala thā ḳhaak se dāman-fashāñ honā hī thā

himmat-e-ali ka itna to ziyan hona hi tha

jurm-e-gihan-tab ko be-KHanuman hona hi tha

ye to ai matam-kanan-e-kushtagan hona hi tha

un muhim-juyan ko ek din jawedan hona hi tha

mar ke bhi yaadon mein jina chahta hai aadmi

aadmi ki zindagi ko imtihan hona hi tha

qismat qamusiyan har ahd mein sar-gashtagi

tab to ummiin ko aaKHir zaban hona hi tha

shahid-e-mahmil hai itni qurbaten ye duriyan

hae wo jis ka muqaddar sarban hona hi tha

saunp kar miTTi ko miTTi li hawa ne apni rah

mashghala tha KHak se daman-fashan hona hi tha