hiqarat ki nazar se dekhta hai har bashar mujhko

hiqārat kī nazar se dekhtā hai har bashar mujh ko

zamāna boltā hai tum bhī kah lo dard-e-sar mujh ko

maiñ huuñ vo sham.a jis kī qadr-o-qīmat sirf itnī hai

kisī ne taaq par rakkhā kisī ne qabr par mujh ko

bharose kī saḌak par buġhz ke itne gaḌhe dekhe

ki ab ik shaḳhs bhī lagtā nahīñ hai mo'atabar mujh ko

havāoñ ne to kashtī kā mirī ruḳh moḌ hī Daalā

ai lahro tum bhī kar lo aa ke ab zer-o-zabar mujh ko

fareb-e-manzil-e-maqsad se vāqif ho gayā huuñ maiñ

ḳhudārā aap rahne dījiye mahv-e-safar mujh ko

ghirā huuñ aaj zulmat meñ magar ummīd hai 'anjum'

ki mil hī jā.egī kal zindagānī kī sahar mujh ko

hiqarat ki nazar se dekhta hai har bashar mujh ko

zamana bolta hai tum bhi kah lo dard-e-sar mujh ko

main hun wo shama jis ki qadr-o-qimat sirf itni hai

kisi ne taq par rakkha kisi ne qabr par mujh ko

bharose ki saDak par bughz ke itne gaDhe dekhe

ki ab ek shaKHs bhi lagta nahin hai mo'atabar mujh ko

hawaon ne to kashti ka meri ruKH moD hi Dala

ai lahro tum bhi kar lo aa ke ab zer-o-zabar mujh ko

fareb-e-manzil-e-maqsad se waqif ho gaya hun main

KHudara aap rahne dijiye mahw-e-safar mujh ko

ghira hun aaj zulmat mein magar ummid hai 'anjum'

ki mil hi jaegi kal zindagani ki sahar mujh ko