hisab-e-dostan dar-dil nahin ab
hisāb-e-dostāñ dar-dil nahīñ ab
palaTnā bātoñ se mushkil nahīñ ab
kiyā karte the jo jaañ bhī nichhāvar
bharose ke bhī vo qābil nahīñ ab
samundar kī hadeñ baḌhne lagī haiñ
nazar aatā kahīñ sāhil nahīñ ab
rahe the jo sharīk-e-ġham shab-o-roz
ḳhushī dekhī to vo shāmil nahīñ ab
qahr Dhātā rahā jo husn-e-jānāñ
bahut afsos vo qātil nahīñ ab
burā.ī karnā lā-hāsil hai lagtā
suneñ do kaan jo fāzil nahīñ ab
baneñ behtar bhī ab insān kaise
banāne ko vo āb-o-gil nahīñ ab
bhalā tai bhī ho ye rasta to kaise
nigāhoñ meñ koī manzil nahīñ ab
tasāhul chhoḌiye vaqt-e-amal hai
guzar pā.egī yuuñ kāhil nahīñ ab
kareñ kyā zindagī qurbān us par
rahā jo ziist kā hāsil nahīñ ab
hisab-e-dostan dar-dil nahin ab
palaTna baaton se mushkil nahin ab
kiya karte the jo jaan bhi nichhawar
bharose ke bhi wo qabil nahin ab
samundar ki haden baDhne lagi hain
nazar aata kahin sahil nahin ab
rahe the jo sharik-e-gham shab-o-roz
KHushi dekhi to wo shamil nahin ab
qahr Dhata raha jo husn-e-jaanan
bahut afsos wo qatil nahin ab
burai karna la-hasil hai lagta
sunen do kan jo fazil nahin ab
banen behtar bhi ab insan kaise
banane ko wo aab-o-gil nahin ab
bhala tai bhi ho ye rasta to kaise
nigahon mein koi manzil nahin ab
tasahul chhoDiye waqt-e-amal hai
guzar paegi yun kahil nahin ab
karen kya zindagi qurban us par
raha jo zist ka hasil nahin ab
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
