ho din ki chahe raat koi masala nahin

ho din ki chāhe raat koī mas.ala nahīñ

mere liye hayāt koī mas.ala nahīñ

uljhā huā huuñ kab se savāloñ ke dasht meñ

kaise kahūñ maiñ zaat koī mas.ala nahīñ

chalnā hai saath saath ki rāheñ badal leñ ham

tū soch mere saath koī mas.ala nahīñ

jo ho mufīd aap vahī faisla kareñ

māneñ na merī baat koī mas.ala nahīñ

sahrā kī tez dhuup mujhe aa ga.ī hai raas

jañgal kī sard raat koī mas.ala nahīñ

'irfān' apne saath kabhī rah ke dekhnā

ḳhud se ta.alluqāt koī mas.ala nahīñ

ho din ki chahe raat koi masala nahin

mere liye hayat koi masala nahin

uljha hua hun kab se sawalon ke dasht mein

kaise kahun main zat koi masala nahin

chalna hai sath sath ki rahen badal len hum

tu soch mere sath koi masala nahin

jo ho mufid aap wahi faisla karen

manen na meri baat koi masala nahin

sahra ki tez dhup mujhe aa gai hai ras

jangal ki sard raat koi masala nahin

'irfan' apne sath kabhi rah ke dekhna

KHud se talluqat koi masala nahin