ho gae tum se juda yaad aaya

ho ga.e tum se judā yaad aaya

jo na honā thā huā yaad aaya

dil bhar aaya hai hamārā kyā kyā

jab bhī vo ahd-e-vafā yaad aaya

maiñ tujhe yaad na aaya lekin

tū mujhe sub.h-o-masā yaad aaya

tujh ko jitnā bhī bhulānā chāhā

tū mujhe us se sivā yaad aaya

aib auroñ meñ nazar aa.e bahut

kab kise apnā kiyā yaad aaya

is bayābāñ meñ jo kal rahtā thā

aaj vo ābla-pā yaad aaya

zindagī apnī 'niyāz'-e-ḳhasta

aisī guzrī ki ḳhudā yaad aaya

ho gae tum se juda yaad aaya

jo na hona tha hua yaad aaya

dil bhar aaya hai hamara kya kya

jab bhi wo ahd-e-wafa yaad aaya

main tujhe yaad na aaya lekin

tu mujhe subh-o-masa yaad aaya

tujh ko jitna bhi bhulana chaha

tu mujhe us se siwa yaad aaya

aib auron mein nazar aae bahut

kab kise apna kiya yaad aaya

is bayaban mein jo kal rahta tha

aaj wo aabla-pa yaad aaya

zindagi apni 'niyaz'-e-KHasta

aisi guzri ki KHuda yaad aaya