ho gai baat purani phir bhi
ho ga.ī baat purānī phir bhī
yaad hai mujh ko zabānī phir bhī
mauja-e-ġham ne to dam toḌ diyā
rah gayā aañkh meñ paanī phir bhī
maiñ ne sochā bhī nahīñ thā is ko
ho ga.ī shaam suhānī phir bhī
chashm-e-nam ne use jaate dekhā
dil ne ye baat na maanī phir bhī
log arzāñ hue jaate haiñ yahāñ
baḌhtī jaatī hai girānī phir bhī
burīda laa.e ho darbār meñ tum
yaad hai sho.ala-bayānī phir bhī
bhuul jote haiñ musāfir rasta
log kahte haiñ kahānī phir bhī
ho gai baat purani phir bhi
yaad hai mujh ko zabani phir bhi
mauja-e-gham ne to dam toD diya
rah gaya aankh mein pani phir bhi
main ne socha bhi nahin tha is ko
ho gai sham suhani phir bhi
chashm-e-nam ne use jate dekha
dil ne ye baat na mani phir bhi
log arzan hue jate hain yahan
baDhti jati hai girani phir bhi
burida lae ho darbar mein tum
yaad hai shoala-bayani phir bhi
bhul jote hain musafir rasta
log kahte hain kahani phir bhi
- Book : Dil Kay Ufuq Par (Pg. 149)
- Author : Ambareen Haseeb Amber
- Publication : Kitab Market ,Office 17 Urdu Bazar, Karachi, Pakistan (2012)
- Edition : 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
