ho gai sair-e-jahan kunj-e-jahan tak aa gae

ho ga.ī sair-e-jahāñ kunj-e-jahāñ tak aa ga.e

apne ghar se nikle apne āshiyāñ tak aa ga.e

paikar-e-fānī se rūh-e-jāvedāñ tak aa ga.e

tujh talak aa jā.eñge jab ham yahāñ tak aa ga.e

zindagī bhar ik sarāb-e-tez-rau ke pīchhe ham

jaate jaate ek sahrā-e-ravāñ tak aa ga.e

ik qadam aa.e na aa.e tū ye terī hai razā

ham ko aanā thā so tere āstāñ tak aa ga.e

jaane kin uryāniyoñ par TuuT kar barseñge ye

aaj chand ash.ār umaD kar phir zabāñ tak aa ga.e

ho gai sair-e-jahan kunj-e-jahan tak aa gae

apne ghar se nikle apne aashiyan tak aa gae

paikar-e-fani se ruh-e-jawedan tak aa gae

tujh talak aa jaenge jab hum yahan tak aa gae

zindagi bhar ek sarab-e-tez-rau ke pichhe hum

jate jate ek sahra-e-rawan tak aa gae

ek qadam aae na aae tu ye teri hai raza

hum ko aana tha so tere aastan tak aa gae

jaane kin uryaniyon par TuT kar barsenge ye

aaj chand ashaar umaD kar phir zaban tak aa gae