ho gaya manzil-nashin jo rah-rau diwana tha

ho gayā manzil-nashīñ jo rāh-rau dīvāna thā

intiḳhāb-e-rāh meñ hī ġham abhī farzāna thā

ai nigāh-e-barq yuuñ to aur bhī the āshiyāñ

terā manzūr-e-nazar kyā merā hī kāshāna thā

morid-e-ilzām kyoñ Thahre bhalā dast-e-karam

māñgne vaale tirā lahja hī gustāḳhāna thā

qaum kā hī ġham thā jo 'iqbāl' ne shikva kiyā

ġhaur kiije to vo shikva shikva-e-be-jā na thā

dard hī se azmat-e-insāñ baḌhī varna 'sahar'

ek musht-e-ḳhāk thā jab dard se begāna thā

ho gaya manzil-nashin jo rah-rau diwana tha

intiKHab-e-rah mein hi gham abhi farzana tha

ai nigah-e-barq yun to aur bhi the aashiyan

tera manzur-e-nazar kya mera hi kashana tha

morid-e-ilzam kyon Thahre bhala dast-e-karam

mangne wale tera lahja hi gustaKHana tha

qaum ka hi gham tha jo 'iqbaal' ne shikwa kiya

ghaur kije to wo shikwa shikwa-e-be-ja na tha

dard hi se azmat-e-insan baDhi warna 'sahar'

ek musht-e-KHak tha jab dard se begana tha