ho juda ai chaara-gar hai mujhko aazar-e-firaq

ho judā ai chāra-gar hai mujh ko āzār-e-firāq

be-visāl achchhā huā bhī koī bīmār-e-firāq

shoḳhī-e-parda-nashīñ kī ishva-sāzī dekhnā

dil hai badmast-e-visāl aur diida bedār-e-firāq

ek naale meñ phiregā mehr-o-mah ko DhūñDhtā

ai falak mat chheḌ mujh ko huuñ azā-dār-e-firāq

vasl thī merī sazā hijr intiqām-e-ġhair thā

kab huā ḳhū-karda-e-hijrāñ giraftār-e-firāq

koī kartā hai ḳhatā aur koī paatā hai sazā

ġhair gustāḳh-e-visāl aur maiñ sazā-vār-e-firāq

dam-ba-dam bijlī gire yā nahr-e-ḳhūñ jaarī rahe

iltiyām is siine kā kyā jo hai afgār-e-firāq

aañkh kab lagtī hai hiile se jo tujh se lag ga.ī

dāstān-e-vasl kab suntā hai bedār-e-firāq

daam meñ sayyād ke kyuuñ ki na bulbul mar rahe

dāman-e-har-barg-e-gul meñ thā nihāñ ḳhār-e-firāq

sau bahār aa.e magar jaatā hai koī dāġh-e-dil

lāla-o-gul kā nahīñ mushtāq ḳhūñ-bār-e-firāq

ab 'qalaq' Thokar se terī jī chukā marne ke ba.ad

āshnā-e-vasl kab ho nāz-bardār-e-firāq

ho juda ai chaara-gar hai mujh ko aazar-e-firaq

be-visal achchha hua bhi koi bimar-e-firaq

shoKHi-e-parda-nashin ki ishwa-sazi dekhna

dil hai badmast-e-visal aur dida bedar-e-firaq

ek nale mein phirega mehr-o-mah ko DhunDhta

ai falak mat chheD mujh ko hun aza-dar-e-firaq

wasl thi meri saza hijr intiqam-e-ghair tha

kab hua KHu-karda-e-hijran giraftar-e-firaq

koi karta hai KHata aur koi pata hai saza

ghair gustaKH-e-visal aur main saza-war-e-firaq

dam-ba-dam bijli gire ya nahr-e-KHun jari rahe

iltiyam is sine ka kya jo hai afgar-e-firaq

aankh kab lagti hai hile se jo tujh se lag gai

dastan-e-wasl kab sunta hai bedar-e-firaq

dam mein sayyaad ke kyun ki na bulbul mar rahe

daman-e-har-barg-e-gul mein tha nihan KHar-e-firaq

sau bahaar aae magar jata hai koi dagh-e-dil

lala-o-gul ka nahin mushtaq KHun-bar-e-firaq

ab 'qalaq' Thokar se teri ji chuka marne ke baad

aashna-e-wasl kab ho naz-bardar-e-firaq