ho kabhi gar tujhko dariya ki rawani dekhna

ho kabhī gar tujh ko dariyā kī ravānī dekhnā

to tū ham jaise dīvānoñ kī kahānī dekhnā

chaḌhte dekhī ek chyūñTī maiñ ne us dīvār par

us se sīkhā ḳhvāb maiñ ne āsmānī dekhnā

dekhne bhar se tumheñ hai miltā is dil ko sukūn

chāhtā huuñ tum ko saarī zindagānī dekhnā

sher ke pahle hī misre meñ likhā hai us kā naam

phir nahīñ hai ab to mumkin us kā saanī dekhnā

jis javānī pe tumheñ bhī aaj hai itnā gumān

ek din Dhal jaanī hai saarī javānī dekhnā

baiThnā aa ke kisī shab saath mere aur phir

in ḳhush āñkhoñ se to girye kī ravānī dekhnā

chāhiye jitnā maiñ us ko bātoñ meñ huuñ lā chukā

ab badan pe vasl kī hai bas nishānī dekhnā

ho kabhi gar tujh ko dariya ki rawani dekhna

to tu hum jaise diwanon ki kahani dekhna

chaDhte dekhi ek chyunTi main ne us diwar par

us se sikha KHwab main ne aasmani dekhna

dekhne bhar se tumhein hai milta is dil ko sukun

chahta hun tum ko sari zindagani dekhna

sher ke pahle hi misre mein likha hai us ka nam

phir nahin hai ab to mumkin us ka sani dekhna

jis jawani pe tumhein bhi aaj hai itna guman

ek din Dhal jaani hai sari jawani dekhna

baiThna aa ke kisi shab sath mere aur phir

in KHush aankhon se to girye ki rawani dekhna

chahiye jitna main us ko baaton mein hun la chuka

ab badan pe wasl ki hai bas nishani dekhna