ho tera ishq meri zat ka mehwar jaise
ho tirā ishq mirī zaat kā mehvar jaise
usī ehsās kī maiñ ho ga.ī ḳhūgar jaise
ek vīrānī tire lahje se aa.ī mujh tak
phir vahī mere utar aa.ī ho andar jaise
koī bhī kaam mere haq meñ nahīñ ho paatā
ruuTh kar baiTh gayā ho ye muqaddar jaise
vo koī vaqt thā jab dil thā baḌā nāzuk sā
ab to siine meñ rakhā hai koī patthar jaise
ho tirā haal mere ishq meñ vaisā 'zehrā'
hai mirā haal tire hijr meñ abtar jaise
ho tera ishq meri zat ka mehwar jaise
usi ehsas ki main ho gai KHugar jaise
ek virani tere lahje se aai mujh tak
phir wahi mere utar aai ho andar jaise
koi bhi kaam mere haq mein nahin ho pata
ruTh kar baiTh gaya ho ye muqaddar jaise
wo koi waqt tha jab dil tha baDa nazuk sa
ab to sine mein rakha hai koi patthar jaise
ho tera haal mere ishq mein waisa 'zehra'
hai mera haal tere hijr mein abtar jaise
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
