hogi KHabar jo humne suni besh-o-kam ghalat

hogī ḳhabar jo ham ne sunī besh-o-kam ġhalat

khaao na bār-bār ḳhudā kī qasam ġhalat

zulfoñ se kuchh lagā hai pata kuchh laboñ se aaj

hotā nahīñ qayās jo karte haiñ ham ġhalat

detā hai kyoñ fareb ki maiñ bhed pā gayā

mujh par karam ġhalat hai 'adū par sitam ġhalat

aate haiñ mai-kade se vo sāġhar liye hue

niklā janāb-e-shaiḳh pe āḳhir bharam ġhalat

saudā yahī hai dīda-o-dil ko karūñ ḳharāb

ai ashk-e-ḳhūñ barā.e-ḳhudā tū na tham ġhalat

pahuñchā use ye haal mirā bād-e-sub.h-dam

letā hai dam marīz-e-jafā dam-ba-dam ġhalat

uljhā hai aisā dil ki na niklegā phir kabhī

hotī hai un kī zulf-e-dutā ḳham-ba-ḳham ġhalat

qibla banā ke laa.e the roz-e-azal se ham

sajda kiyā na thā tujhe ham ne sanam ġhalat

terā ḳhayāl hijr meñ is kā aniis hai

hotā hai terī yaad meñ 'shaidā' kā ġham ġhalat

hogi KHabar jo hum ne suni besh-o-kam ghalat

khao na bar-bar KHuda ki qasam ghalat

zulfon se kuchh laga hai pata kuchh labon se aaj

hota nahin qayas jo karte hain hum ghalat

deta hai kyon fareb ki main bhed pa gaya

mujh par karam ghalat hai 'adu par sitam ghalat

aate hain mai-kade se wo saghar liye hue

nikla janab-e-shaiKH pe aaKHir bharam ghalat

sauda yahi hai dida-o-dil ko karun KHarab

ai ashk-e-KHun barae-KHuda tu na tham ghalat

pahuncha use ye haal mera baad-e-subh-dam

leta hai dam mariz-e-jafa dam-ba-dam ghalat

uljha hai aisa dil ki na niklega phir kabhi

hoti hai un ki zulf-e-duta KHam-ba-KHam ghalat

qibla bana ke lae the roz-e-azal se hum

sajda kiya na tha tujhe hum ne sanam ghalat

tera KHayal hijr mein is ka anis hai

hota hai teri yaad mein 'shaida' ka gham ghalat