hone ko yun to shahr mein apna makan tha

hone ko yuuñ to shahr meñ apnā makān thā

nafrat kā regzār magar darmiyān thā

lamhe ke TūTne kī sadā sun rahā thā maiñ

jhapkī jo aañkh sar pe nayā āsmān thā

kahne ko haath bāñdhe khaḌe the namāz meñ

pūchho to dūsrī hī taraf apnā dhyān thā

allāh jaane kis pe akaḌtā thā raat din

kuchh bhī nahīñ thā phir bhī baḌā bad-zabān thā

shole ugalte tiir baraste the charḳh se

saaya thā paas meñ na koī sā.ebān thā

sab se kiyā hai vasl kā vaada alag alag

kal raat vo sabhī pe bahut mehrbān thā

muñh-phaT thā be-lagām thā rusvā thā DhiiT thā

jaisā bhī thā vo dosto mahfil kī jaan thā

hone ko yun to shahr mein apna makan tha

nafrat ka regzar magar darmiyan tha

lamhe ke TuTne ki sada sun raha tha main

jhapki jo aankh sar pe naya aasman tha

kahne ko hath bandhe khaDe the namaz mein

puchho to dusri hi taraf apna dhyan tha

allah jaane kis pe akaDta tha raat din

kuchh bhi nahin tha phir bhi baDa bad-zaban tha

shole ugalte tir baraste the charKH se

saya tha pas mein na koi saeban tha

sab se kiya hai wasl ka wada alag alag

kal raat wo sabhi pe bahut mehrban tha

munh-phaT tha be-lagam tha ruswa tha DhiT tha

jaisa bhi tha wo dosto mahfil ki jaan tha