hone wala tha ek hadsa rah gaya

hone vaalā thā ik hādsa rah gayā

kal kā sab se baḌā vāqi.a rah gayā

raat āñgan meñ utrī nahīñ chāñdnī

chāñd shāḳhoñ meñ uljhā huā rah gayā

ham ne kah sun liyā mutma.in ho ga.e

aur ab kahne sunñe ko kyā rah gayā

sub.h hogī kahānī banegī koī

zindagī kā yahī mas.ala rah gayā

maiñ ne nafrat kī khaa.ī pe pul rakh diyā

phir bhī TuuTā huā silsila rah gayā

sab Darāme ke kirdār ghar chal diye

sāmne ek parda paḌā rah gayā

ye bhī taklīk-deh ik sazā hī to hai

shāḳh meñ ek pattā harā rah gayā

maiñ kisī ke yahāñ vaqt kyā kāTtā

apnā hī ghar 'shafaq' DhūñDhtā rah gayā

hone wala tha ek hadsa rah gaya

kal ka sab se baDa waqia rah gaya

raat aangan mein utri nahin chandni

chand shaKHon mein uljha hua rah gaya

hum ne kah sun liya mutmain ho gae

aur ab kahne sunne ko kya rah gaya

subh hogi kahani banegi koi

zindagi ka yahi masala rah gaya

main ne nafrat ki khai pe pul rakh diya

phir bhi TuTa hua silsila rah gaya

sab Darame ke kirdar ghar chal diye

samne ek parda paDa rah gaya

ye bhi taklik-deh ek saza hi to hai

shaKH mein ek patta hara rah gaya

main kisi ke yahan waqt kya kaTta

apna hi ghar 'shafaq' DhunDhta rah gaya