honTon pe hansi aankh mein taron ki laDi hai

Qabil Ajmeri

honTon pe hansi aankh mein taron ki laDi hai

Qabil Ajmeri

MORE BYQabil Ajmeri

    hoñToñ pe hañsī aañkh meñ tāroñ laḌī hai

    vahshat baḌe dilchasp do-rāhe pe khaḌī hai

    dil rasm-o-rah-e-shauq se mānūs to ho le

    takmīl-e-tamannā ke liye umr paḌī hai

    chāhā bhī agar ham ne tirī bazm se uThnā

    mahsūs huā paañv meñ zanjīr paḌī hai

    āvāra o rusvā sahī ham manzil-e-shab meñ

    ik sub.h-e-bahārāñ se magar aañkh laḌī hai

    kyā naqsh abhī dekhiye hote haiñ numāyāñ

    hālāt ke chehre se zarā gard jhaḌī hai

    kuchh der kisī zulf ke saa.e meñ Thahar jaa.eñ

    'qābil' ġham-e-daurāñ abhī dhuup kaḌī hai

    honTon pe hansi aankh mein taron ki laDi hai

    wahshat baDe dilchasp do-rahe pe khaDi hai

    dil rasm-o-rah-e-shauq se manus to ho le

    takmil-e-tamanna ke liye umr paDi hai

    chaha bhi agar hum ne teri bazm se uThna

    mahsus hua panw mein zanjir paDi hai

    aawara o ruswa hi sahi hum manzil-e-shab mein

    ek subh-e-bahaaran se magar aankh laDi hai

    kya naqsh abhi dekhiye hote hain numayan

    haalat ke chehre se zara gard jhaDi hai

    kuchh der kisi zulf ke sae mein Thahar jaen

    'qabil' gham-e-dauran ki abhi dhup kaDi hai

    Videos
    This video is playing from YouTube

    Videos
    This video is playing from YouTube

    Khushboo Khanam

    Khushboo Khanam

    RECITATIONS

    Nomaan Shauque

    Nomaan Shauque

    Nomaan Shauque

    honTon pe hansi aankh mein taron ki laDi hai Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY