hote hi jawan ho gae paband-e-hijab aur

hote hī javāñ ho ga.e pāband-e-hijāb aur

ghūñghaT kā izāfa huā bālā-e-naqāb aur

jab maiñ ne kahā kam karo ā.īn-e-hijāb aur

farmāyā baḌhā dūñgā abhī ek naqāb aur

piine kī sharāb aur javānī kī sharāb aur

hushyār ke ḳhvāb aur haiñ madhosh ke ḳhvāb aur

gardan bhī jhukī rahtī hai karte bhī nahīñ baat

dastūr-e-hijāb aur haiñ andāz-e-hijāb aur

paanī meñ shakar ghol ke piitā to hai ai shaiḳh

ḳhātir se milā de mirī do ghūñT sharāb aur

saaqī ke qadam le ke kahe jaatā hai ye shaiḳh

thoḌī sī sharāb aur de thoḌī sī sharāb aur

'sā.el' ne savāl us se kiyā jab bhī ye dekhā

miltā nahīñ gaalī ke sivā koī javāb aur

hote hi jawan ho gae paband-e-hijab aur

ghunghaT ka izafa hua baala-e-naqab aur

jab main ne kaha kam karo aain-e-hijab aur

farmaya baDha dunga abhi ek naqab aur

pine ki sharab aur jawani ki sharab aur

hushyar ke KHwab aur hain madhosh ke KHwab aur

gardan bhi jhuki rahti hai karte bhi nahin baat

dastur-e-hijab aur hain andaz-e-hijab aur

pani mein shakar ghol ke pita to hai ai shaiKH

KHatir se mila de meri do ghunT sharab aur

saqi ke qadam le ke kahe jata hai ye shaiKH

thoDi si sharab aur de thoDi si sharab aur

'sael' ne sawal us se kiya jab bhi ye dekha

milta nahin gali ke siwa koi jawab aur