hua ashk-e-gulgun bahaar-e-gareban

huā ashk-e-gulgūñ bahār-e-garebāñ

ba-rañgrag-e-gul hai tār-e-garebāñ

rahe hai sadā chaak mātam-kada meñ

tahayyur nahīñ iḳhtiyār-e-garebāñ

kabhū haath dāman tak us ke na pahuñchā

che-jā.e ki qurb-o-javār-e-garebāñ

tirī dekh āñkheñ ḳhajil hogī nargis

jhukā chashm ko hai do-chār-e-garebāñ

bane mauj ro āstīñ gar nichoḌūñ

ho girdāb har jā fishār-e-garebāñ

sabā kab uThāte haiñ juuñ nik.hat-e-gul

subuk-rūh gardan pe bār-e-garebāñ

supurd ham ne ab nāsehā kar diyā hai

ba-dast-e-junūñ kārobār-e-garebāñ

jahāñ meñ hai ḳhurshīd se sub.h raushan

ki aatā hai tikma ba-kār-e-garebāñ

gale meñ hai champā kalī yā kisū ke

haiñ laḳht-e-jigar ham-kanār-e-garebāñ

lagā.ī nahīñ us ne goTe kī magzī

huī barq aa kar nisār-e-garebāñ

nahīñ tauq pahne hai qumrī ki hai ab

ye zeb-e-gulū-band o hār-e-garebāñ

gulistāñ meñ ye mo.atakif hai jo ab hai

sar-e-ġhuncha sohbat barār-e-garebāñ

'nasīr' ab yahāñ chashm-e-sozan hai mahram

z-sar-rishta-hā.e vaqār-e-garebāñ

hua ashk-e-gulgun bahaar-e-gareban

ba-rangrag-e-gul hai tar-e-gareban

rahe hai sada chaak matam-kada mein

tahayyur nahin iKHtiyar-e-gareban

kabhu hath daman tak us ke na pahuncha

che-jae ki qurb-o-jawar-e-gareban

teri dekh aankhen KHajil hogi nargis

jhuka chashm ko hai do-chaar-e-gareban

bane mauj ro aastin gar nichoDun

ho girdab har ja fishaar-e-gareban

saba kab uThate hain jun nikhat-e-gul

subuk-ruh gardan pe bar-e-gareban

supurd hum ne ab naseha kar diya hai

ba-dast-e-junun karobar-e-gareban

jahan mein hai KHurshid se subh raushan

ki aata hai tikma ba-kar-e-gareban

gale mein hai champa kali ya kisu ke

hain laKHt-e-jigar ham-kanar-e-gareban

lagai nahin us ne goTe ki magzi

hui barq aa kar nisar-e-gareban

nahin tauq pahne hai qumri ki hai ab

ye zeb-e-gulu-band o haar-e-gareban

gulistan mein ye moatakif hai jo ab hai

sar-e-ghuncha sohbat barar-e-gareban

'nasir' ab yahan chashm-e-sozan hai mahram

z-sar-rishta-hae waqar-e-gareban