hua hun in dinon mail kisi ka

huā huuñ in dinoñ maa.il kisī kā

na thā maiñ is qadar ghā.il kisī kā

divāne dil kuuñ samjhātā huuñ lekin

kahāñ lag ho.e koī haa.il kisī kā

huā hai dil-dahī kā tum pe tāvāñ

nahīñ āsān lenā dil kisī kā

ḳham-e-gesū siiñ apne tū girah khol

khule tā uqda-e-mushkil kisī kā

kiyā yak vaar meñ ka.ī dil kī phāñkeñ

lagā hai haat kyā kāmil kisī kā

galī meñ jis kī shor-e-karbalā hai

salonā shoḳh hai qātil kisī kā

kaho us lāla-e-gulzār-e-jāñ kuuñ

kabhī to dekh dāġh-e-dil kisī kā

'sirāj' ab soz-e-dil merā vo jaane

jo hai parvāna-e-mahfil kisī kā

hua hun in dinon mail kisi ka

na tha main is qadar ghail kisi ka

diwane dil kun samjhata hun lekin

kahan lag hoe koi hail kisi ka

hua hai dil-dahi ka tum pe tawan

nahin aasan lena dil kisi ka

KHam-e-gesu sin apne tu girah khol

khule ta uqda-e-mushkil kisi ka

kiya yak war mein kai dil ki phanken

laga hai hat kya kaamil kisi ka

gali mein jis ki shor-e-karbala hai

salona shoKH hai qatil kisi ka

kaho us lala-e-gulzar-e-jaan kun

kabhi to dekh dagh-e-dil kisi ka

'siraj' ab soz-e-dil mera wo jaane

jo hai parwana-e-mahfil kisi ka