hua na zor se uske koi gareban chaak

huā na zor se us ke koī garebāñ chaak

agarche maġhribiyoñ kā junūñ bhī thā chālāk

mai-e-yaqīñ se zamīr-e-hayāt hai pur-soz

nasīb-e-madrasa yā rab ye āb-e-ātish-nāk

urūj-e-ādam-e-ḳhākī ke muntazir haiñ tamām

ye kahkashāñ ye sitāre ye nīl-gūñ aflāk

yahī zamāna-e-hāzir kī kā.enāt hai kyā

dimāġh raushan o dil tiira o nigah bebāk

tū be-basar ho to ye māna-e-nigāh bhī hai

vagarna aag hai momin jahāñ ḳhas o ḳhāshāk

zamāna aql ko samjhā huā hai mish.al-e-rāh

kise ḳhabar ki junūñ bhī hai sāhib-e-idrāk

jahāñ tamām hai mīrās mard-e-momin kī

mire kalām pe hujjat hai nuktā-e-laulāk

hua na zor se us ke koi gareban chaak

agarche maghribiyon ka junun bhi tha chaalak

mai-e-yaqin se zamir-e-hayat hai pur-soz

nasib-e-madrasa ya rab ye aab-e-atish-nak

uruj-e-adam-e-KHaki ke muntazir hain tamam

ye kahkashan ye sitare ye nil-gun aflak

yahi zamana-e-hazir ki kaenat hai kya

dimagh raushan o dil tera o nigah bebak

tu be-basar ho to ye mana-e-nigah bhi hai

wagarna aag hai momin jahan KHas o KHashak

zamana aql ko samjha hua hai mishal-e-rah

kise KHabar ki junun bhi hai sahib-e-idrak

jahan tamam hai miras mard-e-momin ki

mere kalam pe hujjat hai nukta-e-laulak