hua phir aks apna yun juda aahista-ahista

huā phir aks apnā yuuñ judā āhista-āhista

ki jaise haath se rang-e-hinā āhista-āhista

bahut mānūs nazroñ se achānak kaise haT jaatā

maiñ manzar se pas-e-manzar huā āhista-āhista

phir us ke baad DhūñDā jā.egā merā badan ya.anī

mujhe mash.hūr kar degī havā āhista-āhista

lahū kī reñgtī rassī ragoñ ko jakḌe jaatī hai

dabī jaatī hai dhaḌkan kī sadā āhista-āhista

uThā.ī jā rahī haiñ jaldī jaldī nuur kī lāsheñ

huā jaatā hai maddham ik diyā āhista-āhista

kisī būḌhe shajar se phir na.ī dīvāreñ sīkheñgī

Thahar kar chhāñv dene kī adā āhista-āhista

tumheñ chhū kar mire rauzan hue jaate haiñ yuuñ raushan

samajh aane lage jaise ḳhudā āhista-āhista

mujhe apnī taraf khīñcho mujhe paivast-e-jāñ kar lo

magar thoḌā tahammul se zarā āhista-āhista

isī ik shāḳh-e-nargis ke vasīle se huā āḳhir

ilāqa-dar-ilāqa phir harā āhista-āhista

hua phir aks apna yun juda aahista-ahista

ki jaise hath se rang-e-hina aahista-ahista

bahut manus nazron se achanak kaise haT jata

main manzar se pas-e-manzar hua aahista-ahista

phir us ke baad DhunDa jaega mera badan yani

mujhe mashhur kar degi hawa aahista-ahista

lahu ki rengti rassi ragon ko jakDe jati hai

dabi jati hai dhaDkan ki sada aahista-ahista

uThai ja rahi hain jaldi jaldi nur ki lashen

hua jata hai maddham ek diya aahista-ahista

kisi buDhe shajar se phir nai diwaren sikhengi

Thahar kar chhanw dene ki ada aahista-ahista

tumhein chhu kar mere rauzan hue jate hain yun raushan

samajh aane lage jaise KHuda aahista-ahista

mujhe apni taraf khincho mujhe paiwast-e-jaan kar lo

magar thoDa tahammul se zara aahista-ahista

isi ek shaKH-e-nargis ke wasile se hua aaKHir

ilaqa-dar-ilaqa phir hara aahista-ahista