hua zahir KHat-e-ru-e-nigar aahista-ahista

huā zāhir ḳhat-e-rū-e-nigār āhista-āhista

ki jyuuñ gulshan meñ aatī hai bahār āhista-āhista

kiyā huuñ rafta rafta raam us kī chashm-e-vehsī kuuñ

ki jyuuñ aahū kuuñ karte haiñ shikār āhista-āhista

jo apne tan kuuñ misl-e-jūebār avval kiyā paanī

huā us sarv-qad suuñ ham-kanār āhista-āhista

barañg-e-qatra-e-sīmāb mere dil kī jumbish suuñ

huā hai dil sanam kā be-qarār āhista-āhista

use kahnā bajā hai ishq ke gulzār kā bulbul

jo gul-rūyāñ meñ paayā e'tibār āhista-āhista

mirā dil ashk ho pahuñchā hai kūche meñ sirījan ke

gayā ka.abe meñ ye kashtī-savār āhista-āhista

'valī' mat hāsidāñ kī baat suuñ dil kuuñ mukaddar kar

ki āḳhir dil suuñ jāvegā ġhubār āhista-āhista

hua zahir KHat-e-ru-e-nigar aahista-ahista

ki jyun gulshan mein aati hai bahaar aahista-ahista

kiya hun rafta rafta ram us ki chashm-e-wehsi kun

ki jyun aahu kun karte hain shikar aahista-ahista

jo apne tan kun misl-e-juebar awwal kiya pani

hua us sarw-qad sun ham-kanar aahista-ahista

barang-e-qatra-e-simab mere dil ki jumbish sun

hua hai dil sanam ka be-qarar aahista-ahista

use kahna baja hai ishq ke gulzar ka bulbul

jo gul-ruyan mein paya e'tibar aahista-ahista

mera dil ashk ho pahuncha hai kuche mein sirijan ke

gaya kabe mein ye kashti-sawar aahista-ahista

'wali' mat hasidan ki baat sun dil kun mukaddar kar

ki aaKHir dil sun jawega ghubar aahista-ahista