hudud-e-shahr-e-tilismat se nahin nikla

hudūd-e-shahr-e-tilismāt se nahīñ niklā

maiñ apne dā.e.r-e-zāt se nahīñ niklā

abhī to ḳhud pe mirā iḳhtiyār baaqī hai

abhī to kuchh bhī mire haath se nahīñ niklā

vo vaqt ban ke mire sāmne rahā har din

tamām-umr maiñ auqāt se nahīñ niklā

hudud-e-shahr-e-tilismat se nahin nikla

main apne daer-e-zat se nahin nikla

abhi to KHud pe mera iKHtiyar baqi hai

abhi to kuchh bhi mere hath se nahin nikla

wo waqt ban ke mere samne raha har din

tamam-umr main auqat se nahin nikla