hue ab humse tum gar dushman-e-jaani to behtar hai

hue ab ham se tum gar dushman-e-jānī to behtar hai

miyāñ ġhairoñ se mil kar dil meñ yuuñ Thānī to behtar hai

nahīñ hai ḳhuub sohbat har kisī kam-zarf se lekin

nahīñ gar mānte az-rāh-e-nādānī to behtar hai

ba-juz ḳhush-taba.ī-o-chashmak na dekhā harf meñ tum se

karo mauqūf agar ye vaz-e-rindānī to behtar hai

ze-rūe-ḳhair-ḳhvāhī tum se maiñ kahtā huuñ ai pyāre

nasīhat tum ne ye merī agar maanī to behtar hai

jahāñ se uTh gayā 'saudā' sā shā.ir haif ai 'māhir'

kare gar tark tū sher-e-ġhazal-ḳhvānī to behtar hai

hue ab hum se tum gar dushman-e-jaani to behtar hai

miyan ghairon se mil kar dil mein yun Thani to behtar hai

nahin hai KHub sohbat har kisi kam-zarf se lekin

nahin gar mante az-rah-e-nadani to behtar hai

ba-juz KHush-tabai-o-chashmak na dekha harf mein tum se

karo mauquf agar ye waz-e-rindani to behtar hai

ze-rue-KHair-KHwahi tum se main kahta hun ai pyare

nasihat tum ne ye meri agar mani to behtar hai

jahan se uTh gaya 'sauda' sa shair haif ai 'mahir'

kare gar tark tu sher-e-ghazal-KHwani to behtar hai