hui ijad nai tarz-e-KHushamad ki nahin

huī ījād na.ī tarz-e-ḳhushāmad ki nahīñ

kal kā aa.iin hai ab tak sar-e-masnad ki nahīñ

aa ga.ī ai mire saa.e se bhī bachne vaalī

rafta rafta tire iqrār kī sarhad ki nahīñ

nahr-e-ḳhūñ ho chukī, farhād kī mazdūrī ko

ab ke teshe se milī qīmat-e-sā.ad ki nahīñ

nāsehā is liye maiñ gosh-bar-āvāz na thā

tirī āvāz se chhoTā hai tirā qad ki nahīñ

hui ijad nai tarz-e-KHushamad ki nahin

kal ka aain hai ab tak sar-e-masnad ki nahin

aa gai ai mere sae se bhi bachne wali

rafta rafta tere iqrar ki sarhad ki nahin

nahr-e-KHun ho chuki, farhad ki mazduri ko

ab ke teshe se mili qimat-e-saad ki nahin

naseha is liye main gosh-bar-awaz na tha

teri aawaz se chhoTa hai tera qad ki nahin