hui na KHatm teri rahguzar kya karte

huī na ḳhatm terī rahguzār kyā karte

tere hisār se ḳhud ko farār kyā karte

safīna ġharq hī karnā paḌā hameñ āḳhir

tire baġhair samundar ko paar kyā karte

bas ek sukūt hī jis kā javāb honā thā

vahī savāl miyāñ baar baar kyā karte

phir is ke ba.ad manāyā na jashn ḳhushbū kā

lahū meñ Duubī thī fasl-e-bahār kyā karte

nazar kī zad meñ na.e phuul aa ga.e 'az.har'

ga.ī rutoñ kā bhalā intizār kyā karte

hui na KHatm teri rahguzar kya karte

tere hisar se KHud ko farar kya karte

safina gharq hi karna paDa hamein aaKHir

tere baghair samundar ko par kya karte

bas ek sukut hi jis ka jawab hona tha

wahi sawal miyan bar bar kya karte

phir is ke baad manaya na jashn KHushbu ka

lahu mein Dubi thi fasl-e-bahaar kya karte

nazar ki zad mein nae phul aa gae 'azhar'

gai ruton ka bhala intizar kya karte