hui sar-gashta KHak apni ghubar-e-karwan ho kar
hui sar-gashta KHak apni ghubar-e-karwan ho kar
Jameela Khuda Bakhsh
MORE BYJameela Khuda Bakhsh
huī sar-gashta ḳhaak apnī ġhubār-e-kārvāñ ho kar
mujhe qismat satātī hai raqīb-e-kāmrāñ ho kar
dil-e-pazh-murda āshiq ko tum apne sāmne rakhnā
tamāshā raqs-e-bismil kā dikhā.egā tapāñ ho kar
hamāre is dil-e-vīrāñ-shuda meñ ai but-e-rā.anā
tumhārī aarzū ghabrā rahī hai mehmāñ ho kar
uḌāyā tezī-e-bād-e-sabā ne gar to ġham kyā hai
ġhubār apnā bulandī par rahegā āsmāñ ho kar
mire dil kī imārat go shikasta haal hai lekin
makān-e-ḳhās ho jā.egā us kā lā-makāñ ho kar
anīs-o-monis-o-hamdam umīdeñ ho nahīñ saktīñ
kahāñ jaatā hai ai dil yūsuf-e-be-kārvāñ ho kar
kareñ kyā guftugū āñkheñ milā kar un raqīboñ se
tumhārī bazm meñ but ban ga.e haiñ be-zabāñ ho kar
hamāre dīda-e-hairat-zad meñ ḳhvāb kyā aa.e
ki terī aarzū baiThī hai is meñ pāsbāñ ho kar
lagānā vaar halkā qatl-gah meñ mujh pe ai qātil
ki lutf-e-raqs-e-bismil maiñ dikhā.ūñ nīm-jāñ ho kar
mirī kāhīdgī aur nā-tavānī pūchhte kyā ho
ġham-e-hijrāñ dabātā hai mujhe bār-e-garāñ ho kar
ḳhudā ke fazl se is bostān-e-na.at-e-mid.hat meñ
'jamīla' naġhma-zan hai bulbul-e-ḳhush-dāstāñ ho kar
hui sar-gashta KHak apni ghubar-e-karwan ho kar
mujhe qismat satati hai raqib-e-kaamran ho kar
dil-e-pazh-murda aashiq ko tum apne samne rakhna
tamasha raqs-e-bismil ka dikhaega tapan ho kar
hamare is dil-e-viran-shuda mein ai but-e-raana
tumhaari aarzu ghabra rahi hai mehman ho kar
uDaya tezi-e-baad-e-saba ne gar to gham kya hai
ghubar apna bulandi par rahega aasman ho kar
mere dil ki imarat go shikasta haal hai lekin
makan-e-KHas ho jaega us ka la-makan ho kar
anis-o-monis-o-hamdam umiden ho nahin saktin
kahan jata hai ai dil yusuf-e-be-karwan ho kar
karen kya guftugu aankhen mila kar un raqibon se
tumhaari bazm mein but ban gae hain be-zaban ho kar
hamare dida-e-hairat-zad mein KHwab kya aae
ki teri aarzu baiThi hai is mein pasban ho kar
lagana war halka qatl-gah mein mujh pe ai qatil
ki lutf-e-raqs-e-bismil main dikhaun nim-jaan ho kar
meri kahidgi aur na-tawani puchhte kya ho
gham-e-hijran dabaata hai mujhe bar-e-garan ho kar
KHuda ke fazl se is bostan-e-nat-e-midhat mein
'jamila' naghma-zan hai bulbul-e-KHush-dastan ho kar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
