hui taKHir to kuchh bais-e-taKHir bhi tha

Mirza Ghalib

hui taKHir to kuchh bais-e-taKHir bhi tha

Mirza Ghalib

MORE BY Mirza Ghalib

    huī tāḳhīr to kuchh bā.is-e-tāḳhīr bhī thā

    aap aate the magar koī ināñ-gīr bhī thā

    tum se bejā hai mujhe apnī tabāhī gila

    us meñ kuchh shā.iba-e-ḳhūbi-e-taqdīr bhī thā

    mujhe bhuul gayā ho to patā batlā duuñ

    kabhī fitrāk meñ tere koī naḳhchīr bhī thā

    qaid meñ hai tire vahshī ko vahī zulf yaad

    haañ kuchh ik ranj-e-girāñ-bāri-e-zanjīr bhī thā

    bijlī ik kauñd ga.ī āñkhoñ ke aage to kyā

    baat karte ki maiñ lab-tishna-e-taqrīr bhī thā

    yūsuf us ko kahūñ aur kuchh na kahe ḳhair huī

    gar bigaḌ baiThe to maiñ lā.iq-e-tāzīr bhī thā

    dekh kar ġhair ko ho kyuuñ na kalejā ThanDā

    naala kartā thā vale tālib-e-tāsīr bhī thā

    peshe meñ aib nahīñ rakhiye na farhād ko naam

    ham āshufta-saroñ meñ vo javāñ-mīr bhī thā

    ham the marne ko khaḌe paas na aayā na sahī

    āḳhir us shoḳh ke tarkash meñ koī tiir bhī thā

    pakḌe jaate haiñ farishtoñ ke likhe par nā-haq

    aadmī koī hamārā dam-e-tahrīr bhī thā

    reḳhte ke tumhīñ ustād nahīñ ho 'ġhālib'

    kahte haiñ agle zamāne meñ koī 'mīr' bhī thā

    hui taKHir to kuchh bais-e-taKHir bhi tha

    aap aate the magar koi inan-gir bhi tha

    tum se beja hai mujhe apni tabahi ka gila

    us mein kuchh shaiba-e-KHubi-e-taqdir bhi tha

    tu mujhe bhul gaya ho to pata batla dun

    kabhi fitrak mein tere koi naKHchir bhi tha

    qaid mein hai tere wahshi ko wahi zulf ki yaad

    han kuchh ek ranj-e-giran-bari-e-zanjir bhi tha

    bijli ek kaund gai aankhon ke aage to kya

    baat karte ki main lab-tishna-e-taqrir bhi tha

    yusuf us ko kahun aur kuchh na kahe KHair hui

    gar bigaD baiThe to main laiq-e-tazir bhi tha

    dekh kar ghair ko ho kyun na kaleja ThanDa

    nala karta tha wale talib-e-tasir bhi tha

    peshe mein aib nahin rakhiye na farhad ko nam

    hum hi aashufta-saron mein wo jawan-mir bhi tha

    hum the marne ko khaDe pas na aaya na sahi

    aaKHir us shoKH ke tarkash mein koi tir bhi tha

    pakDe jate hain farishton ke likhe par na-haq

    aadmi koi hamara dam-e-tahrir bhi tha

    reKHte ke tumhin ustad nahin ho 'ghaalib'

    kahte hain agle zamane mein koi 'mir' bhi tha

    Videos
    This video is playing from YouTube

    Videos
    This video is playing from YouTube

    Farida Khanum

    Farida Khanum

    Source:

    • Book : Deewan-e-Ghalib Jadeed (Al-Maroof Ba Nuskha-e-Hameedia) (Pg. 194)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY