hukm-e-sayyaad hai ta-KHatm-e-tamasha-e-bahaar

hukm-e-sayyād hai tā-ḳhatm-e-tamāshā-e-bahār

saarī duniyā kahe bulbul na kahe haa.e bahār

sub.h gul-gasht ko jaate ho ki sharmā.e bahār

kyā ye matlab hai gulistāñ se nikal jaa.e bahār

muñh se kuchh bhī dam-e-ruḳhsat na kahā bulbul ne

sirf sayyād ne itnā to sunā haa.e bahār

ye bhī kuchh baat huī gul hañse tum ruuTh ga.e

is pe ye zid ki abhī ḳhaak meñ mil jaa.e bahār

tere qurbān 'qamar' muñh sar-e-gulzār na khol

sadqe us chāñd sī sūrat pe na ho jaa.e bahār

hukm-e-sayyaad hai ta-KHatm-e-tamasha-e-bahaar

sari duniya kahe bulbul na kahe hae bahaar

subh gul-gasht ko jate ho ki sharmae bahaar

kya ye matlab hai gulistan se nikal jae bahaar

munh se kuchh bhi dam-e-ruKHsat na kaha bulbul ne

sirf sayyaad ne itna to suna hae bahaar

ye bhi kuchh baat hui gul hanse tum ruTh gae

is pe ye zid ki abhi KHak mein mil jae bahaar

tere qurban 'qamar' munh sar-e-gulzar na khol

sadqe us chand si surat pe na ho jae bahaar