husn ai jaan nahin rahne ka

husn ai jaan nahīñ rahne kā

phir ye ehsān nahīñ rahne kā

nazr kī jeb to ai josh-e-junūñ

ab ye dāmān nahīñ rahne kā

parda mat muñh se uThānā yakbār

mujh meñ ausān nahīñ rahne kā

tū chalā aur ye jī is tan meñ

kisī unvān nahīñ rahne kā

gul ko kyā rotī hai tū ai bulbul

ye gulistān nahīñ rahne kā

dam kā mehmāñ huuñ maiñ ab bhī tū

aa ke mehmān nahīñ rahne kā

nabḌī mai aur gulistān meñ gul

tere qurbān nahīñ rahne kā

ab bhī aanā hai to aa varna myaañ

ye bhī sāmān nahīñ rahne kā

dil kī darḳhvāst jo kī tū ne to yaañ

ab ye ik aan nahīñ rahne kā

aise meñ apnī amānat le jā

phir tujhe dhyān nahīñ rahne kā

hijr ke ġham se na ghabrā 'jur.at'

itnā hairān nahīñ rahne kā

husn ai jaan nahin rahne ka

phir ye ehsan nahin rahne ka

nazr ki jeb to ai josh-e-junun

ab ye daman nahin rahne ka

parda mat munh se uThana yakbar

mujh mein ausan nahin rahne ka

tu chala aur ye ji is tan mein

kisi unwan nahin rahne ka

gul ko kya roti hai tu ai bulbul

ye gulistan nahin rahne ka

dam ka mehman hun main ab bhi tu

aa ke mehman nahin rahne ka

nabDi mai aur gulistan mein gul

tere qurban nahin rahne ka

ab bhi aana hai to aa warna myan

ye bhi saman nahin rahne ka

dil ki darKHwast jo ki tu ne to yan

ab ye ek aan nahin rahne ka

aise mein apni amanat le ja

phir tujhe dhyan nahin rahne ka

hijr ke gham se na ghabra 'jurat'

itna hairan nahin rahne ka