husn-e-be-parda ki garmi se kaleja pakka

husn-e-be-parda kī garmī se kaleja pakkā

teġh kī aañch se ghar meñ mire khānā pakkā

jins-e-dil le ke na jā.ūñ maiñ kisī aur ke paas

aap bai.āna agar dījiye pakkā pakkā

har tarah haath uThānā hai jahāñ se mushkil

baiTh rahne ko bhī ghar chāhiye kachchā pakkā

hai vo shā.ir jo paḌhe bazm-e-suḳhan meñ ash.ār

mo'atabar hai jo kachehrī meñ ho chehra pakkā

ḳhām-e-taba.ī se tumhāre hai bahut tañg 'asīr'

kījiye vasl kā iqrār to pakkā pakkā

husn-e-be-parda ki garmi se kaleja pakka

tegh ki aanch se ghar mein mere khana pakka

jins-e-dil le ke na jaun main kisi aur ke pas

aap baiana agar dijiye pakka pakka

har tarah hath uThana hai jahan se mushkil

baiTh rahne ko bhi ghar chahiye kachcha pakka

hai wo shair jo paDhe bazm-e-suKHan mein ashaar

mo'atabar hai jo kachehri mein ho chehra pakka

KHam-e-tabai se tumhaare hai bahut tang 'asir'

kijiye wasl ka iqrar to pakka pakka